CAP. VII.
1 Forsothe the sonys of Ysachar; Thola,
and Fua, Jazub, and Zameron, foure.
2 The sonis of Thola; Ozi, and Raphaya,
-- --
and Jerehel, and Jemay, and Jepsen, and
Samuel, princes by the houses of their
cognaciouns. Of the lynage of Thola,
most stronge men ben noumbred in the
days of Dauid, two and twenty thousand
and sixe hundreth.
3 The sonis of Ozi,
Jesraya; of whome ben born Michael,
and Obadia, and Johel, and Jesay, fyue,
alle princes.
4 And with hem by meynees,
and ther puplis, gird to batail most
stronge men sixe and thritty thousand;
forsothe thei hadden many wijues and
sonys.
5 And the bretheren of hem by
alle the kynredis of Ysachar most stronge
to fi&yogh;ten seuen and ey&yogh;ty thousand ben
noumbred.
6 The sonys of Benjamyn;
Bale, and Bochor, and Adiel, thre.
7 The
sonis of Bale; Esbon, and Ozi, and Osiel,
and Jerimoth, and Uray, fyue, princis of
the meynees, to fi&yogh;ten most stronge; the
noumbre forsothe of hem two and twenty
thousand and foure and thritty.
8 Bot the
sonys of Bochor; Samyra, and Joas,
and Eliazer, and Elioenay, and Zamry,
and Jerimoth, and Abia, and Anathot,
and Anathan; alle thes the sonys of
Bochor.
9 There ben noumbred forsothe
by their meynes princis of kynredis to
batayls most stronge twenty thousand
and two hundreth.
10 Forsothe the sonys
of Ledyel, Baalan; the sonys forsothe of
Baalan, Jheus, and Beniamyn, and Aoth,
and Canana, and Jotham, and Thassis,
and Thasaar.
11 Alle thes the sonys of
Ledyel, princes of ther kynredis most
stronge men, seuentene thousand and two
hundreth, to batayl goynge forthe.
12 Saphan
forsothe and Akham, thes the sonis
of Hyr; and Asyn, the sone of Asir.
13 The
sonys forsothe of Neptalym; Jasiel, and
Gumy, and Azer, and Sellum; the sonys
of Bale.
14 Forsothe the sone of Manasse,
Ezriel; and the secoundary wijf of hym
Cira gat Machir, the fadir of Galaad.
15 Machir forsothe toke wijues to his sonys
Huphyn and Suphyn; and he hadde a
-- --
syster Maacha by name; and name of
the secounde sone Salphaath, and there
ben born to Salphaath dou&yogh;tirs.
16 And
Maacha, the wijf of Machir, bare a sone,
and clepide the name of hym Phares;
forsothe the name of his brother Sares;
and the sonis of hym, Vlam and Recem.
17 The sone forsothe of Vlam, Baldan. Thes
the sonys of Galaad, sone of Machir, sone
of Manasse;
18 the syster forsothe of hym
Regma, a fayr man sche bare, Abiezer,
and Moola.
19 Forsothe ther weren the
sonys of Semeida; Abym, and Cychym,
and Liey, and Anynam.
20 The sonys forsothe
of Effraym; Suchaba; Bareth, the
sone of hym; Caath, the sone of hym;
Elida, the sone of hym; and Caath, the
sone of hym; and of this the sone, Zedaba;
and of this the sone, Suthala;
21 and of this
the sone, Ezer, and Elad. Forsothe ther
slewen hem the men of Geth thenns
goten, for thei camen doun that thei
assailen the possessiouns of hem.
22 Thanne
weylid Effraym, the fadir of hem, many
days; and there camen his britheren,
that thei comforten hym.
23 And he wente
in to his wijf, the whiche conceyued, and
bare a sone; and clepyde his name Berya,
for thi that in the euyls of his hous he
was born.
24 The dou&yogh;tir forsothe of hym
was Sara; the whiche bildide up Betheron,
the nether and the ouer, and Ozen,
and Sara.
25 Forsothe the sone of hir,
Rapha, and Receph, and Thale; of the
whiche is born Thaan,
26 the whiche gat
Laadon; of this forsothe the sone, Amyud,
gat Elizama;
27 of the whiche is born Nun;
the whiche hadde a sone Josue.
28 The
possessioun forsothe of hem and dwellynge,
Bethel with his dou&yogh;tirs, and a&yogh;eyns
the este of Noram; at the west plage of
Gazer, and the dou&yogh;tirs of it, Sychem
with his dou&yogh;tirs, and Aza with his
dou&yogh;tirs.
29 Besydis forsothe the sonys of
Manasse, Bethsan, and the dou&yogh;tirs of it,
-- --
Thanach, and the dou&yogh;tirs of it, Magedo,
and the dou&yogh;tirs of it, Dor, and the dou&yogh;tirs
of it; in thes dwelliden the sonys of
Joseph, sone of Yrael.
30 The sonys of
Aser; Jerona, and Jesua, and Ysui, and
Baria; and Sara, the syster of hem.
31 The
sonys forsothe of Baria; Heber, and Melchiel;
he is the fadir of Barsath.
32 Heber
forsothe gat Jeflath, and Somer, and
Otham, and Sua, the syster of hem.
33 The
sonys forsothe of Jeflath; Phosech, and
Camaal, and Jasoph; thes the sonys of
Jeflath.
34 Bot the sonys of Somer; Aachi,
and Roaga, and Jaba, and Aram.
35 The
sonys forsothe of Helem, his brother;
Supha, and Jemma, and Selles, and
Amal.
36 The sonys of Supha; Sue, Arnapheth,
and Sual, and Bery, and Jamra,
and Bozor,
37 and Odor, and Sama, and
Salusa, and Jethram, and Beram.
38 The
sonis of Ether; Jephone, and Phaspha,
and Ara.
39 The sonys forsothe of Ollaa;
Areth, and Anyel, and Resya.
40 Alle thes
the sonys of Azer, princes of the kynredis,
chosen and most stronge duykis of
duykis; the noumber forsothe, of the age
of hem that was able to batayl, sixe and
twenty thousand.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].