Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXVI.
1 Dyuysiouns forsothe of the porters;
of the Chorites, Mellesemya, the sone of
Chory, of the sonys of Asaph.
2 The sonis
of Mellezemie; Zacharias the first goten,
Jodiel the secounde, Sabadias the thrid,
Ythamael the ferth,
3 Aylam the fyfthe,
Johannam the sixte, Elionenai the seuenthe.
4 The sonis forsothe of Obededome;
Semeias the first goten, Josadad
the secounde, Joacha the thrid, Saccar
the ferth,
5 Athanael the fyft, Amyhel the
sixt, Isachar the seuenth, Pollathi the
ey&yogh;the, for to hym the Lord blessede.
6 To Semei forsothe, his sone, ben born
sonys, prefectis of their meynes; forsothe
thei weren most stronge men.
7 The sonys
than of Semei; Othyn, and Raphael, and
Obedihel, and Zabad; and the bretheren
of hym most stronge men; Helyu also,
and Samachias.
8 Alle thes of the sonys
of Obededom; thei, and the sonys, and the
bretheren of hem, most stronge men to
mynystren, two and sexty of Obededom.
9 Bot of Meellymye the sonis and bretheren,
most stronge men and most
my&yogh;ty, ei&yogh;tene.
10 Of Hosa forsothe, that
is, of the sonis of Merery, Sechary
prince; forsothe he hadde not a first
goten, and therfore his fadir putte hym
in to a prynce;
11 Helchias the secounde,
Thebelias the thrid, Zacharias the ferth;
alle thes sonys and bretheren of Hosa,
-- --
thrittene.
12 Thes ben deuydid in to the
porters, that euermore the princis of the
wardis, as and the bretheren of hem,
mynystren in the hous of the Lord.
13 Thanne the lottis ben leyd of euen, and
to the lytyll and to the grete, by their
meynes, in to echone of the &yogh;atis.
14 Thanne
the este lott fell to Jemelie; forsothe to
Zachary, the sone of hym, most wijs man
and tau&yogh;t, fel thoru&yogh; lott the northe coost;
15 to Obededom forsothe and his sonys at the
south, in whiche partye of the hous was
the counseil of the elderis;
16 to Sephyma
and Chosa at the west, besyde the &yogh;ate
that ledith to the weye of the stey&yogh;inge
up, warde a&yogh;ein warde.
17 At the este forsothe
Leuytis sixe, and at the north foure
bi day; and at the south also in the
day foure; and wher was the counseil,
two and two.
18 In the lityl cellis forsothe
of the porters at the west, foure in the
weye, and two by the litill cellis.
19 Thes
ben the dyuysiouns of porters, of the sonis
of Chory and of Merery.
20 Forsothe Achias
was vpon the tresoures of the hous of the
Lord, and the vesselis of the halewis.
21 The sonis of Leadan, the sonys of Jersony;
of Leadan, prince of the meynes
of Leadan, and of Jersan, Jeihely.
22 The
sonys of Jeihely; Jethan, and Joel, his
brother, vpon the tresoures of the hous
of the Lord,
23 Amyramytis, and Isaaritis,
and Ebronytis, and Esielitis.
24 Subahul
forsothe, the sone of Jerson, sone of
Moysi, prouost of the tresoure;
25 and the
brother of hym, Eliezer; whos sone
Raabia; and of this the sone Asaias; of
this the sone Joram; and of this the
sone Zechri; bot and of this the sone
Selemyth.
26 He, Selemyth, and the bretheren
of hym, vpon the tresoures of
hooly thingis, the whiche kyng Dauith
-- --
halowide, and the princis of meynes, and
the leders of thousandis, and the leders
of hundriths,
27 and duykis of the hoost, of
bateilis, and of the spoilis of bateils, the
whiche thei sacreden to the restorynge
and to the necessaries of the temple of
the Lord.
28 Forsothe alle thes thingis halowed
Samuel, seer, and Saul, the sone
of Ciz, and Abner, the sone of Ner, and
Joab, the sone of Saruye; and thei alle
haloweden hem bi the hond of Salomyth
and his bretheren.
29 To Ysaarites forsothe
befor was Chononyas and his sonis, to
the werkis with out forth vpon Yrael,
to techen and to demen hem.
30 `Bot of
Ebronytis, Asabias, and Sabayas, and his
britheren, most stronge men, a thousand
and seuen hundrith, beforn weren to Yrael
be&yogh;ond Jordan a&yogh;ein the west, in alle the
werkis of the Lord, and in to the seruyse
of the kyng.
31 Of Ebronytis forsothe
prince was Herias, aftir the meynes and
kynredis of hem. The fouretithe &yogh;eer of
kyng Dauid ben noumbred and founden
most strong men in Jaser Galaad;
32 and
the bretheren of hem, of more stronge
age, two thousand seuen hundrith, princis
of meynes. Forsothe kyng Dauid beforn
putte hem to Rubenytis and Gadditis,
and to the half lynage of Manasse, in to
alle the seruyce of God and of the kyng.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
