Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
I. PARALIPOMENON.
[Prologue on the First book of Paralipomenon.]
This book of Paralipomenon, the firste, bigynneth at Adam, rehersynge the ri&yogh;t
lyne of generacioun in to Abraham, and alle the sones of Abraham, and the sones
of hem, touchinge schortli of Saul king, and afterward of Dauith; rehersinge many
thingis whiche ben not writen in the book of Kingis before, til to the regne of
kyng Salomon. Here endith the prologe, and here bigynneth the firste book of
Paralipomenon.
The Prolog in the first boke of Paralipomenon.
&YOGH;if the makynge of the seuenty remenours
abyde styll pure, and as it is
turned of hem in to Greek, my Chromati,
holiest and wysest of byschopis, in veyn
thou schuldist bydden me that I translate
to thee Ebreu volymes in Latyn word.
Forsothe that hath ocupied onys the eris
of men, and hath streynthid the feith
of the waxynge chirche, ri&yogh;twijs was also
with oure sylence to be apreued. Nowe
forsothe whan dyuerse saumplers ben
born for the dyuersite of regyouns, and
thilk olde germeyn translacyoun is corrupt
and defoulid, thou wenyst of oure
dome to ben, outher to schewen of manye
whiche be verrey, outher a new werk to
maken in old werk, the Jewis forsothe
scornynge, that, as it is seid, to fytche to
gyder ee&yogh;en of curluris. Alisaunder
and Egipt in their seuenty preysen
auctour Eusichy; Constantynople vnto
Antioche apreuith the saumpleris of martir
Lucyan; the mene prouynces bytwene
-- --
thes reden Palestynes bokis, the
whiche out trauayld of Origene, Eusebe
and Pamphilie pupplischeden; and al the
world bytwene hem selue in this thre
maner dyuersite fi&yogh;tith to gyder. And
certis Origenes not oonly exsaumplis
maad in oon of foure makyngis, `forn
a&yogh;eyn alle the wordis discryuynge, that
the oon discordynge, the tother betwene
hem silf acordynge, anoon be vndernomyn;
bot, that is of more hardynesse,
in the makynge of the seuenty he mengide
the makynge of Theodocioun, that is,
markynge that weren to lytyl with
sygnys of a sterre, and that weren seen
ouermych leid to, with lityl &yogh;erdis. &YOGH;if
thanne to other it was leful not to holden
that oons thei hadden taken; and aftir
seuenty lytyll sellis, the whiche with
outen auctour of the comoun ben boostid,
thei opneden alle the sellis, that forsothe
in the chirche is rad that the seuenty
knewyn not; why me taken not my
Latyn men, the whiche han maad so the
newe with the olde makynge vndefoulid,
that my traueyl I preue with the
Ebrewis, and, that is more than these,
with the Apostlis auctours. I wrote not
&yogh;ore a boke of the best maner of remenynge,
schewynge tho thingis of the
euangely, Fro Egipt I haue clepide myn
sone, and, That Na&yogh;are he schal be clepid,
and, Thei schul seen in whome thei hau02Q0009
pungid; and that of the apostle, That ee&yogh;e
hath not seen, ne ere hath herde, ne in to the
hert of man hath stey&yogh;ide up, the whiche
God hath maad redye before to the
louynge hym; and other lijc to thes, in
the bokis of Ebrewis to ben founden.
Certis the apostlis and the euaungelistis
hadden knowen the seuenty remenours,
and whenns that to hem to seyn tho
thingis that in the seuenty ben not had?
Crist, oure God, is maker of either testament,
in euangelie aftir Joon, Who
leuith, he seith, in me, as seith the
-- --
scripture, flodis of his wombe schul
flowen `quyke waters. Forsothe it is
writen, that the Saueoure witnessith to
ben writen; where it is writen, the
seuenty han not; the hyd thingis knowith
not the chirche. To the Ebrewis than
it is to turnen a&yogh;eyn, wherof and the Lord
spekith, and the disciplis beforn taken
exsaumplis. Thes thingis bi pese of olde
men I speke, and to my bacbyters oonly
I answer, the whiche gnawen me with a
dogge tothe, in opyn bacbytynge, reedynge
in corners, and acusatours and
defendours, whann in other men they
apreuen that in me thei repreuen; as
vertue and vice ben not in the thingis,
bot with the autour ben chaungid. Bot
I haue had mynde the makyng of the
seuenty translatours, sumtyme fro Greke
amendid, me to haue &yogh;euen to &yogh;oure, and
not enmye of hem owyn to ben eymed,
whome in the couent of bretheren euermore
I schal expownen. And that Debregemyn,
that is, the wordis of days,
I haue remened, therfore I haue don
that I my&yogh;te bryng to ri&yogh;t the insolible
lettyngis and the wodis of namys, the
whiche, thor&yogh; vice of writers, ben confoundid,
and the dulnes of wittis, more
opynly, and by distyncciouns of verse; to
me my silf and to my wrytynge aftir
Hismenyum, &yogh;if eris of other ben dowmbe.
-- --
An other Prolog.
The boke of Paralipomenon, that is,
the breggyng of the Olde Testament,
siche and so myche is, that with outen
it who so wyll by pride sechen to hym
the kunnynge of scriptures, scorne he
hym silf. Forsothe by alle the namys
and iuncturis of wordis, and the laft stories
in the bokis of Kyngis ben touchid,
and vnowmbrable questiouns of the euaungelies
ben soyled.
Here eendith the prolog in the first
boke of Paralipomenon, and bygynneth
the first boke of Paralipomenon.
Here bigynneth the bok of Paralipomenon.
CAP. I.
1
2 Adam, Seth, Enos, Chaynan, Malaleel,
Jared, Enoch, Matusale, Lameth;
3
4 Noe,
Sem, Cham, and Japheth.
5 The sones of
Japheth; Gomor, Magday, Magog, and
Jauan, Tubal, Mosoch, and Tyras.
6 Bot
the sones of Gomer; Ascenez, and Ryphat,
and Togorma.
7 The sones forsothe
of Jauan; Helisa, and Tharsis, Cethym,
and Dodonym.
8 The sonys of Cham;
Chus, and Mesraym, Phuth, and Chanaan.
9 The sonys forsothe of Chus; Saba,
and Euila, Sabatha, and Regma, and Sabathaca.
Bot the sonys of Regma; Saba,
-- --
and Adan.
10 Chus forsothe gat Nemroth;
this byganne to ben my&yogh;ty in the lond.
11 Mesraym forsothe gat Ludym, and Ananym,
and Labaym,
12 and Nepthoym, Fetrusym
forsothe, and Chasluym, of the
whiche wenten oute Phylisteis and Capthurym.
13 Chanaan forsothe gat Sydon,
his first goten,
14 and Ethee, Jebusee forsothe,
and Amorre,
15 and Jergese, Euee,
and Arache,
16 and Cyne, Aradyum forsothe,
and Samarie, and Amathe.
17 The
sonys of Sem; Elam, and Assur, and Arfaxath,
and Luth, and Aram. The sonys
forsothe of Aram; Hus, and Hul, and
Gothor, and Mosoch.
18 Arfaxath forsothe
gate Sale; the whiche and he gat Heber.
19 Forsothe to Heber ben born two sonys;
name to the toon Phaleg, for in his days
the erth is deuydid; and the name of his
brother Jectan.
20 Jectan forsothe gat Helmodad,
and Salech, and Azelmod, and
Jare,
21 Adoram forsothe, and Vsal, and
Deda,
22 Hebal, and Ameth, and Abymael,
and Saba,
23 also and Oofer, and Euila, and
Jobab; alle thes the sonys of Jectan.
24
25 Sem, Arfaxath, Sale, Heber, Phalech,
Ragau, Seruth, Nachor, Thare, Abram;
26
this forsothe is Abraham.
27
28 The sonys of
Abraham; Ysaac and Ysmael.
29 And thes
the generaciouns of hem; the first goten
of Ismael Nabaioth, and Cedar, and Abdehel,
and Mapsam,
30 and Masma, and
Duma, and Massa, Adad, and Thema,
Jahur, Naphis, Cedma;
31 thes ben the
sonys of Ysmael.
32 The sonys forsothe of
Cethure, the secoundarie wijf of Abraham,
`the whiche sche gat; Zamram, Jersan,
Madan, Madian, Jesboch, Sue. Forsothe
the sones of Jersan; Saba, and Dadan.
The sones forsothe of Dadan; Assurym,
-- --
and Latusym, and Laomym.
33 The
sonys forsothe of Madian; Epha, Ofer,
Etnoch, and Abida, and Eldaa. Alle thes
the sonis of Cethure.
34 Abraham forsothe
gat Ysaac; whos sones weren Esau and
Yrael.
35 The sones of Esau; Eliphath,
Rahuel, Seir, Jaus, Zelam, and Chore.
36 The sonys of Eliphath; Theman, Omer,
Sephi, Gethem, Genez, Cenez, Thanna,
Amalech.
37 The sones of Rahuel; Naab,
Gazera, Samma, Masa.
38 The sonys of
Seir; Lothan, Sobal, Zebeon, Ana, Dyson,
Eser, Dysan.
39 The sones of Lothan;
Horry, Huma; the syster forsothe of
Lothan was Thanna.
40 The sones of Sobal;
Alian, and Manaath, and Ebal, and
Cephi, and Onam. The sones of Sebeon;
Aia, and Ana. The sones of Ana; Dyson,
and Oolibama.
41 The sonys of Dyson;
Amaram, and Hesebam, and Lecram, and
Caram.
42 The sonys of Eser; Balaam, and
Jaban, and Jasan. The sones of Dysan;
Hus, and Aram.
43 Thes ben the kyngis
that comaundiden in the lond of Edom,
before that there was kyng vpon the
sones of Yrael. Baale, the sone of Beor;
and the name of his cytee Denaba.
44 Forsothe
Bale is deed; and for hym regned
Joab, the sone of Zare, of Bosra.
45 And
whanne Joab was deed, regned for hym
Husam of the lond of Themanyas.
46 Forsothe
Husam dyed; and for hym regned
Adad, the sone of Badad, that smote
Madyan in the lond of Moab; and the
name of his cyte Abyud.
47 And whan
Adad was deed, regned for hym Semela
of Maseracha.
48 Bot and Semela died, and
for hym regned Saul of Robooth, the
whiche bisides Amnem is sett.
49 Forsothe
Saul deed, regned for hym Balanan the
sone of Achobor.
50 Bot and this dyed, and
for hym regnede Adad, of whos cyte the
name was Phou; and his wijf is clepid
-- --
Methetabel, dou&yogh;ter of Mathred, the dou&yogh;ter
of Mesaab.
51 Adad forsothe deed, duykis
for the kyngis in Edom begunne to ben;
duyk Thanna, duyk Alia, duyk Jetheth,
duyk Oolibama,
52 duyk Ela, duyk Philion,
duyk Cenez,
53 duyk Theman, duyk Mabsar,
duyk Magdyel, duyk Yran.
54 Thes
the duykis of Edom.
CAP. II.
1 The sones forsothe of Yrael; Ruben,
Leuy, Semeon, Juda, Isachar, and Zabulon,
Dan,
2 and Joseph, Beniamyn, Neptalym,
Gad, Aser.
3 The sones of Juda;
Her, Onam, Sela; thes thre ben born to
hym of Sue, the dou&yogh;tir of Chananytidis.
Forsothe Her was the first goten of Juda,
euyl before the Lord, and he slew&yogh; hym.
4 Thamar forsothe his dou&yogh;tir in lawe bare
to hym Phares and Saram; alle thann
the sonys of Juda, fyue.
5 The sonys forsothe
of Phares; Esrom and Thamul.
6 The sonys forsothe of Zare; Zamry, and
Ethan, and Eman, and Calchol, and Dardam;
togydre fyue.
7 The sones of Zamri;
Achar, that distourblide Yrael, and synnede
in the theft of cursedhode.
8 The
sones of Ethan; Azarias.
9 The sonys forsothe
of Esrom, that ben born to hym;
Jeramahel, and Aram, and Chaluby.
10 Forsothe Aram gat Amynadab. Amynadab
forsothe gat Naason, prince of the
sones of Juda.
11 Naason forsothe gat Salmon;
of whom is born Booz.
12 Booz forsothe
gat Obeth; the whiche and he gat
Ysay.
13 Ysay forsothe gat the first goten,
Heliab; the secound, Amynadab; the thrid,
Samaa;
14 the ferthe, Nathaneel; the fyft, Saday;
the sixt, Asom;
15 the seuenth, Dauid;
-- --
16 whos systers weren Saruya and Abigail.
The sones of Saruye; Abisay, Joab, and
Asael; thre.
17 Abigail forsothe gat Amasa,
whos fadir was Jether Ysmaelyte.
18 Caleph
forsothe, the sone of Esrom, toke a
wijf, Azuba by name, of whom he gat
Jereoth; there weren forsothe sonys of
hym, Jesar, and Sobab, and Ardon.
19 And
whanne Azuba was deed, he toke a wijf
of Caleph, Effrata, the whiche bare to
hym Hur.
20 Forsothe Hur gat Hury;
Hury gat Beselael.
21 Aftir thes thingis
Esrom wente in to the dou&yogh;tir of Machir,
the fadir of Galaad, and he toke hire,
whann sche was of sexty &yogh;eer; the whiche
bare to hym Segub.
22 Bot and Segub gat
Jair, and weeldide foure and twenty
cytees in the lond of Galaad;
23 and he
toke Jessur, and Arym, the bour&yogh; tounnes
of Jair, and Canath, and the lytyl townes
of it, of seuenty cytees. Alle thes the
sonys of Machir, fadir of Galaad.
24 Whann
forsothe Esrom was deed, Caleph wente
in to Effrata. Esrom forsothe hade a
wijf Abia, the whiche bare to hym Assur,
fadir of Thecue.
25 Ther ben born
forsothe sonys of Jezrameel, the first
goten of Esrom; Ram his first goten,
and Hyma, and Aran, and Ason, and
Achia.
26 Forsothe Jezramel weddide another
wijf, Athara by name, the whiche
was the modir of Onam.
27 Bot and of
Onam, the sone of Ram, the first goten
of Jezramael, weren Mohos, and Lamyn,
and Achas.
28 Onam forsothe gat sones,
Semei, and Juda. The sones forsothe of
Semei;
29 Nadal, and Abiser; name forsothe
of the wijf of Abiser, Abigail, that bare
to hym Haaobban, and Molid.
30 The
sonys forsothe of Nadab weren Saled, and
Apfaym. Forsothe Saled dy&yogh;ed with oute
fre childre.
31 The sone forsothe of Apphaym,
Jesi; the whiche Jesi gat Sesan.
-- --
bot Sesan gat Oholi.
32 The sones forsothe
of Jada, brother of Semei; Jether and
Jonathan; bot Jether died without fre
childre;
33 bot Jonatha gat Phales, and
Cya. Thes ben the sones of Jezramael.
34 Cesan forsothe hadde no sones, bot dou&yogh;ters,
and Egipcian seruaunt, Gera by
name;
35 and he &yogh;aue to hym his dou&yogh;ter
wijf, the whiche bare to hym Ethei.
36 Ethei forsothe gat Nathan, and Nathan
gat Zadab.
37 Zadab forsothe gat Ophial,
and Ophial gat Obed.
38 Obed gat Hieu,
Hieu gat Azariam,
39 Azarias gat Helles,
Helles gat Elasa,
40 Elasa gat Sesamoi,
Sesamoi gat Sellum,
41 Sellum gat Jechomya,
Jechomya gat Elisama.
42 The sones
forsothe of Caleph, brother of Jeramael;
Mosa his first goten; he is the fadir of
&YOGH;iph; and the sonys of Meresa, fadir of
Ebron.
43 Forsothe the sonys of Ebron;
Chore, and Raphu, Recem, and Samma.
44 Samma forsothe gat Raam, fadir of Jerehaham;
and Recem gat Semei.
45 The sone
of Semei, Maon; and Maon, the fadir of
Bethsur.
46 Epha forsothe, the secoundarie
wijf of Caleb, bare Arram, and Musa,
and Theser; bot Arram gat Jezen.
47 The sonis of Jadai; Regon, and Jethan,
and Zesun, and Phales, and Epha, and
Saaph.
48 The secoundarie wijf of Caleb,
Maacha, bare Zaber, and Therana.
49 Forsothe
Saaph, the fadir of Madmenas, gat
Sue, the fadir of Magbena, and the fadir
of Gabaa; the dou&yogh;ter forsothe of Caleph
was Axa.
50 Thes weren the sones of
Caleb. The sones of Hur, first goten of
Effrata; Sobal, the fadir of Cariathiarym;
Salma, the fadir of Bethleem;
51 Ariph, the
fadir of Bethgader.
52 Forsothe ther weren
sonys of Sobal, fadir of Cariathiarym, the
whiche deuydiden the half of the restyngis;
and of the kynrede of Cariathiarym,
53
Jethrei, and Afutei, and Samathei,
and Macerathei. Of thes wenten out
Saraitis and Eschaolitis.
54 The sones of
-- --
Salma, `fadir of Bethlem, and Nethophatite,
crownys of the hous of Joab,
and half of the restyng of Saray.
55 The
kynredis forsothe of scribis, dwellynge in
Jabes, syngynge, and a&yogh;ein sounnynge,
and in tabernaclis dwellynge togider.
Thes ben Cynei, the whiche camen of the
feruour of the hous of the fadir of
Rechab.
CAP. III.
1 Dauith forsothe hadde thes sonis, the
whiche ben born to hym in Ebron; the
first goten, Amon, of Achynoen Jezraelite;
the seconde, Danyel, of Abigail Carmelite;
the thrid,
2 Absalon, the sone of
Maacha, dou&yogh;ter of Tholomei, kyng of
Jessur; the ferth, Adonye, the sone of
Agith;
3 the fyfthe, Saphathie, of Abithal;
the sixt, Jethraan, of Egla his wijf.
4 Sixe
thann ben born to hym in Ebron, where
he regnede seuen &yogh;eer and sixe monethis;
forsothe thre and thritty &yogh;ere he regned
in Jerusalem.
5 Bot in Jerusalem ben
born to hym sonys, Sama, and Sobab, and
Nathan, and Salomon, foure, of Bersabee,
dou&yogh;tir of Amyhel;
6 Jabaar forsothe, and
Elizama,
7 and Elipheloch, and Noge, and
Napheth,
8 and Japhee, also and Elizama,
and Eliade, and Eliphalech, nyne.
9 Alle
thes sonys of Dauith, with oute sonis of
the secoundarie wijfis; and thei hadden
a syster, Thamar.
10 The sone forsothe of
Salomon, Roboam, whos sone Abia gat
Asa; of this forsothe is born Josaphat,
the fadir of Joram;
11 the whiche Joram
gat Ochosie, of whome is born Joas.
-- --
12 And of this the sone Amazias gat Azarie;
bot Azarie, the sone of Jonathan,
brou&yogh;te forth Achaz,
13 the fadir of Ezechie;
of whome is born Manasses.
14 Bot and
Manasses gat Amon, the fadir of Josie.
15 The sonys forsothe of Josie weren, the
first goten, Johannan; the secound, Joachym;
the thrid, Sedechie; the ferth,
Sellum.
16 Of Joachym is born Jechonyas,
and Sedechie.
17 The sonys of Jechonye,
weren Asir,
18 Salathiel, Melchiram, Fadaia,
Sennaser, and Jeth, Semai, Sama,
and Nadabia.
19 Of Phadaia ben born
Zorobabel, and Semei. Zorobabel gat
Mosollam, Ananyam, and Salomyth, the
syster of hem;
20 and Asabam, and Ochol,
and Barachie, and Asadie, Josabesed,
fyue.
21 The sone forsothe of Ananye,
Falciar, the fadir of Jeseie, whos sone
Raphaia. Of this forsothe the sone
Arnan, of the whiche is born Abdia,
whos sone was Sechenya.
22 The sone of
Sechenye, Semeia, whos sonys, Archus,
and Jegal, and Baaria, and Naaria, and
Saphath; sixe in noumbre.
23 The sonys
of Naarie; Elioenai, and Ezechiaz, and
Zicram, thre.
24 Sonys of Elioenai; Odyna,
and Eliazub, and Pheleia, and Acub,
and Johannan, and Dalaia, and Anani,
seuen.
CAP. IV.
1 Sones of Juda; Phares, and Esrom, and
Carmy, and Hur, and Sobal.
2 Reya forsothe,
the sone of Sobal, gat Jeth; of
whom ben born Achymay, and Laed.
3 Thes the kynredis of Sarathy. This
forsothe the lynage of Ethan; Jesrael,
Jezema, and Jedeboz; name forsothe of
the syster of hem Azalelfuny.
4 Funyel
forsothe the fadir of Jedor, and Ezer,
the fadir of Osa; thes ben the sones of
Hur, first goten of Effrata, the fadir of
Bethleem.
5 Of Asur forsothe, fader of
-- --
Techue, weren two wijues, Hala, and
Naara;
6 forsothe Naara bare to hym
Chosam, and Epher, and Theman, and
Aschari; thes ben the sonys of Naara.
7 Forsothe the sones of Hala; Cereth,
Ysaar, and Ethan.
8 Chus forsothe gat
Anob, and Sobaba, and the cognaciouns
of Arab, sone of Arym.
9 Jabes forsothe
was noble beforn alle his bretheren;
and his modir clepide the name of hym
Jabes, seyinge, For I bare hym in sorow.
10 Forsothe Jabes inwardly clepyde
the God of Yrael, seyinge, &YOGH;if blessynge
thou schalt blessen to me, and largen
my termys, and thin hond were with me,
and makist me not to ben oppressed of
malice. And the Lord &yogh;aue to hym that
he preyed.
11 Caleph forsothe, brother of
Sua, gat Machir, that was the fadir of
Eston;
12 forsothe Eston gat Bechus, Rapha,
aud Phese, and Thena, the fadir of
the cyte of Naas. Thes ben the men of
Recha.
13 The sonys forsothe of Cenes;
Othonyel, and Saraia. Forsothe the
sonys of Othonyel;
14 Othiath, and Maonathi,
the whiche gat Ofra. Saraias forsothe
gat Joab, fadir of the valey of
craftis men; ther forsothe weren craftise
men.
15 Sonys forsothe of Caleph, sone of
Jephone; Hyn, and Hela, and Nahem.
16 The sonys forsothe of Hela; Jalael, and
Cenes. The sonys forsothe of Jalael;
Ceph, and Cipha, and Thiria, and Asrahech.
17 And the sonys of Esra; Jether,
and Merid, and Epher, and Jason; and
he gat Mariam, and Semoi, and Jesba,
the fadir of Eschamo.
18 The wijf forsothe
of hym, Judaia, gat Jared, fadir of Jedor;
and Eber, fadir of Socho; and Hieutiel,
fader of Zanon. These forsothe the sonys
of Bethie, dou&yogh;tir of Pharao, the whiche
Mered toke.
19 And the sonys of the wijf
of Odoye, syster of Nathan, fadir of
-- --
Seila; Garmy, and Escamo, that was of
Machathi.
20 The sonys forsothe of Symeon,
Amon, and Rena; the sone of Aman,
Chilon; and the sonys of Jeci, Zoeth, and
Benzoeth.
21 The sonys of Cela, sone of
Juda; Her, fadir of Lecha, and Laada,
fadir of Marasa; and the kynredis of the
hous of men wirchynge bijs in the hous
of oth;
22 and the whiche maad the sonne
to stonden, and men of lesynge, and
syker, and goynge, the whiche weren
princis in Moab, and the whiche ben
turned a&yogh;eyn in Leem; thes forsothe ben
the olde wordis.
23 Thes ben potters dwellynge
in plauntyngis, and in cratchis,
anentis kyngis in their werkis; and thei
dwelliden there.
24 The sonys of Symeon;
Namyel, and Jamyn, Jarib, Zara, Saul.
25 Sellum, the sone of hym; Mapsan, the
sone of hym; and Masma, the sone
of hym.
26 The sonys of Masma; Accuel,
the sone of hym; and Zaccur, the sone of
hym; and Semei, the sone of hym.
27 The
sonys of Semei sixtene, and dou&yogh;tris sixe;
the bretheren forsothe of hym hadden
not many sonys, and al the kynrede
my&yogh;te not maken euen to the soumme of
the sonys of Juda.
28 Forsothe thei dwelliden
in Bethsabe, and Molada, and
Asersual,
29 and in Balaa, and in Asometh,
and in Tholoth,
30 and in Bathuel, and
Orma,
31 and in Sichelech, and in Beth,
and Mathaboth, and in Archasusyn, and
in Bethberai, and in Saarym; thes the
cytees of hem, vnto kyng Dauid.
32 The
touns forsothe of hem; Ethan, and Aen,
and Remmon, and Techen, and Azan;
fyue cytees.
33 And alle the lityll touns
of hem by enuyroun of thes cytees, vnto
Baal; this is the dwellynge of hem, and
the delynge of setis.
34 Mosobali forsothe,
and Jenyleth, and Josa, the sone of Amasie,
and Joel,
35 and Jeu, the sone of Josabie,
and the sonys of Saraie, the sone
-- --
of Aziel,
36 and Elioneay, and Jamcoba,
aud Sycua, and Azaia, and Adiel, and
Isemeel, and Banaya;
37 Sisa forsothe, the
sone of Cephei, the sone of Allon, sone
of Adaia, sone of Semri, sone of Samaia.
38 Thes ben the princis nempnyd in their
kynredis, and in the hous of ther affynytese
thei ben multiplied hugely.
39 And thei
wenten, that thei camen in to Gador, vnto
the este of the valey, and for to sechen
lesewes to their scheep.
40 And thei founden
most plenteuows leswes, and ful good,
and most large lond, and quyete, and
bryngynge fruyt, in the whiche beforn
hadden dwellid of the lynage of Cam.
41 Thes than camen, the whiche beforn we
han discryued name by name, in the dais
of Ezechie, kyng of Juda; and thei
smyten the tabernaclis of hem, and the
dwellers that ben founden there; and thei
dyden hem aweye vnto the present day;
and thei dwelliden for hem, for most
plenteuows leswes weren founden there.
42 Of the sonys forsothe of Symeon wenten
in to the hil of Seir fyue hundreth men,
hauynge princis Phalsie, and Nariam,
and Raphayam, and Osiel, the sonys of
Jesy;
43 and thei smyten the relikis, that
mi&yogh;ten not ascapyn of Amalachytes; and
thei dwelliden for hem there vnto this
day.
CAP. V.
1 The sonys forsothe of Ruben, the first
goten of Yrael; he forsothe was his first
goten, bot for he hadde defoulid the bed
of his fadir, the ri&yogh;tis of his first getynge
ben &yogh;euen to the sonys of Joseph, the
sone of Yrael; and he is not holden in to
the first goten.
2 Forsothe Judas, that was
the strengist amonge his bretheren, of
his stok princis ben buriounned; the
ri&yogh;tis of the first getyng forsothe ben
acountyde to Joseph.
3 Than the sonys
-- --
of Ruben, the firste goten of Yrael; Enoch,
and Fallu, Esrom, and Charmy.
4 The sonys of Joel; Samaia, the sone of
hym; Gog, the sone of hym; Semei, the
sone of hym;
5 Mycha, the sone of hym;
Rema, the sone of hym; Baal, the sone
of hym;
6 Bera, the sone of hym; whome
caytijf ladde Teglat Falasar, kyng of Assiries;
and he was a prince in the lynage
of Ruben.
7 The bretheren forsothe of
hym, and al the kynrede, whan thei
weren noumbred by their meines, hadden
princis Jeihel, and Zacharie.
8 Forsothe
Baala, the sone of Achaz, sone of Sama,
sone of Johel, he dwellide in Aroer vnto
Nebo and Beelmeon;
9 a&yogh;eynst the eest
forsothe coost he dwellide, vnto the entre
of Heremy, and the flode of Eufraten.
Myche forsothe noumbre of bestis he
weldide in the lond of Galaad.
10 In the
days forsothe of Saul thei fou&yogh;ten a&yogh;eynus
Agarienis, and slewen hem; and dwelliden
for hem in their tabernaclis, in al
the coost that beholdith to the este of
Galaad.
11 The sonys forsothe of Gad forn
a&yogh;eynst hem dwelliden in the lond of Basan
vnto Selcha;
12 Joel in the heued, and
Sapham the secounde; Janay forsothe and
Sapha in Basan.
13 And the bretheren of
hem aftir the houses of their kynredis,
Mychael, and Mosollam, and Sebe, and
Jore, and Joachan, and Zie, and Heber,
seuen.
14 Thes the sones of Abiel, sone of
Vri, sone of Jaro, sone of Galaad, sone
of Michael, sone of Jesesi, sone of Jeddo,
sone of Bus.
15 The bretheren forsothe of
the sone of Abdiel, sone of Gummy,
prince of the hous in their meynes.
16 And
thei dwelliden in Galaad, and in Baasan,
and in the lityl tounes of it, in alle the
suburbis of Arnon, vnto the termys.
17 Alle
thes ben noumbred in the days of Joathan,
kyng of Juda, and in the days of
Jeroboam, kyng of Yrael.
18 The sonys of
Ruben, and of Gad, and of the half lynage
of Manasse, men fi&yogh;ters berynge sheeldis
and swerdis, and bendynge bowe, and
-- --
tau&yogh;t to batailis, foure and fourety thousandis
seuen hundreth and sixty, goynge
forthe to fi&yogh;t,
19 fou&yogh;ten a&yogh;eynus Agariens.
Ethureis forsothe, and Naphi, and Nadab,
&yogh;euen to hem help;
20 and Agariens ben
taken in to the hondis of hem, and alle
that weren with hem; for the Lord thei
inwardly clepiden, whil thei fou&yogh;ten, and
he herde hem, forthi that thei hadden
leeued in hym.
21 And thei token alle
thingis that they hadden weldid, of chamels
fyfty thousand, and of scheep two
hundreth and fyfty thousand, and of
assis two thousand, and lyues of men an
hundreth thousand;
22 and many woundid
fellen; forsothe the batayl of the Lord it
was. Thei dwelliden for hem vnto the
transmygracioun.
23 The sonis forsothe of
the half lynage of Manasse weldeden the
lond, fro the coostis of Basan vnto Baal
Hermon, and Sanyr, and the hyl of Hermon;
a grete forsothe noumbre ther
was.
24 And thes weren the pryncis of the
hous of the kynrede of hem; Efer, and
Jesi, and Heliel, and Esriel, and Jeremye,
and Odoye, and Jedehel, men most
strong and my&yogh;ty, and duykis nemned in
their meynes.
25 Forsothe thei forsoken the
God of their fadirs, and dyden fornycacioun
aftir goddis of the puplis of the
lond, the whiche the Lord toke aweye
beforn hem.
26 And the Lord God of Yrael
rered the spirit of Phul, the kyng of Assiries,
and the spirit of Teglat Falasar,
kyng of Assur; and translatyde Ruben,
and Gad, and the half lynage of Manasse,
and he brou&yogh;te hem in to Ale, and Abor,
and Aram, and the flode of Gosam, vnto
this day.
1 The sonys of Leuy; Jerson,
Caath, and Mereri.
2 The sonis of Caath;
Amram, Isaar, Ebron, and Oziel.
3 The
sonys of Amram; Aaron, Moyses, and
Maria. The sonys of Aaron; Nadab,
and Abyu, Eliazar, and Ythamar.
4 Eliazar
gat Phynees, and Phynees gat Abisue;
Abisue gat Bocci,
5 and Bocci gat
Osy;
6 Osy gat Zaraias, Zaraias gat Meroyoth.
-- --
7 Forsothe Meroyoth gat Amaryas,
Amaryas gat Achytob,
8 Achitob gat Sadoch,
Sadoch gat Achimas,
9 Achimas gat
Azarias,
10 Azarias gat Johannam, Johannam
gat Azarias; he is Azarias, the
prest of the kynde of Aaron, the which
vside in the hous presthod, that Salamon
bylde in Jerusalem.
11 Forsothe Azarias
gat Amarias, and Amarias gat Achitob,
Achitob gat Sadoch,
12 Sadoch gat Sellum,
Sellum gat Elchias,
13 Elchias gat Azariam,
Azarias gat Sarayam,
14 Sarayam
gat Josedech.
15 Forsothe Josedech &yogh;ede
out, whanne the Lord translatyde Judam
and Jerusalem by the hondis of Nabugodonosor
kyng.
CAP. VI.
16 The sonis than of Leuy; Jersan, Caath,
and Merery.
17 And thes the namys of the
sonys of Jersan; Lobeni, and Semei.
18 The
sonys of Caath; Amram, and Ysachar, and
Ebron, and Osiel.
19 The sonys of Merery;
Mooli, and Musi. Thes forsothe the kynredis
of Leuy aftir the meynees of hem;
Jersan;
|
