1   Soðlice þa he ealle his word gefylde on þas folces hlyste. he eode in-to capharnaum.

2   Ða wæs sum hundred-mannes þeowa untrum se wæs swentendlic (sic). se wæs him dyere.

3   Ænd þa he ge-hyrde be þam hælende. he sende to him iudea aldres. ∧ bed þæt he come ∧ his þeow ge-hælde.

4   Ða hyo to þam hælende coman. hyo bæden hine geornlice ∧ þus cwæðen. He is wurðe þæt þu him telie.

5   Witodlice he lufeð ure þeode. ∧ he us ure samnunge ge-tymbrede.

6   Ða ferde se hælend mid heom. ∧ þa he wæs unfeor þam huse se hundredes ealdor sende his frend to him and cwæð. Drihten nelle þu beon ge-dreaht. ne eom &idia;ch wurðe þæt þu ga under minne þechene;

7   for þan &idia;ch ne tealde me sylfne swa wurð þæt ich to þe come. Ac cweð þin word and m&idia;n cniht beoð ge-hæled.

8   Ic eom an man under anwealde ge-sett; cæmpen under me hæbbende. ∧ &idia;ch segge þissen ga; ∧ he gæð. ∧ &idia;ch segge þissen cum; þonne cymð he. ∧ &idia;ch segge mine þeowe þis do; ∧ he hit deð.

9   Ða wundrede se hælend þam ge-hyrden. ∧ cwæð. to þare manigeo be-wend. Soðlice ic segge eow ne funde ich on israel swa mychele ge-leafen.

10   ∧ þa þa ham comen þe asende wæren hyo ge-metten halne þanne þe ær u[n]trum wæs.

11    ^noteÞa wæs syððen ge-worðen he ferde on þa ceastre þe ys ge-nemned naym; ∧ mid hym ferden his leorning-cnyhtes. ∧ mycel manigeo.

12   Þa he ge-nehlahte þare ceastre gate þa wæs þær an dead man ge-boren ane wudewon sune. þe nænne oðerne næfde. ∧ syo wudewe wæs þær. ∧ mycel menigeo þare burh-wære m&idia;d hire.

13   Ða se hælend hyo ge-seah. Ða wæs he m&idia;d mildheortnysse ofer hyo ge-felled. ∧ cwæð to hire. ne wep þu na.

14   Þa ge-nehleahte he ∧ þa cheste ætran. þa æt-stoden þa þe hine beren. Ða cwæð se hælend. Eala geonge þe is (sic) segge aris.

15   Þa aras se þe dead wæs. ∧ ongan spræcen. þa agef he hine his moder.

16   Þa ofer-eode eyge hyo ealle. ∧ hyo god mersodon ∧ cwæðen. &thaet; mare witega on us aras. ∧ þæt god his folce ge-neosode.

17   Ða ferde þeos spræce be him on eallen iudea ∧ embe eall þæt rice.

18   Ða cyddan iohannes leorning-cnihtes him be eallen þisen þingen.

19    ^noteÐa cleopede iohannes twegen of his leorning-cnihten to hym. ∧ sende to þam halende ∧ þus cwæð. Ert þu þe to cumene ert; hweðer þe we oðres sculon on-bidon.

20   Ða hyo to him comen þus hyo cwæðen. Iohannes se fulluhtere us sende to þe ∧ þus cwæð. Ert þu þe to cumene ert. þe we sculon oðres on-bidan.

21   Soðlice on þare tide he ge-hælde manege of adlen. ge of witen. ∧ of yfele gasten. ∧ manegen blinden he ge-sihþe for-gef.

22   þa cwæð se hælend. Fareð end kydað Iohanne þa þing þe ge ge-seagen ∧ ge-hyrden. &thaet; blinde ge-seoð. ∧ healte gað. hrefle synde ge-helde. deafe ge-hereð. deade ariseð. þærfen bodiað.

23   ∧ eadige beoð swa hwilc swa ne beoð on me ge-untreowsod.

24   And þa þa iohannes arend-dracan ferdon; þa cwæð se hælend to þam folce be Iohanne. hwi ferde ge on westene ge-seon &thaet; reod þe bieð mid winde astyred.

25   Ac hwi ferde ge. to ge-seonne þanne man mid hnescan reafen ge-scyrdne. Þa þe sende on deorwurðe reafe ∧ on esten.

26   Ac hwi ferde ge þanne witegan ge-seon witodlice ich eow segge he ys mare þanne witega.

27   Þes is be þam þe awriten &idia;s. nu &idia;ch asende minne ængel be-foran þine ansyene; se ge-gerewed þinne weig be-foran þe.

28   Soðlice &idia;ch eow segge nis be-tweox wife bearnen nan mare witegen. þanne iohannes se fulluhtere. Se þe ys læsse on godes rice; se is his mare;

29   ∧ eall folc his herende sunder-halgen god heredon ∧ ge-fullode on Iohannes fulluhte.

30   Soðlice þa sunder-halgen ∧ þa lage-gleawen for-hugedon þas hælendes ge-þoht on heom sylfen na fram þam hælende ge-fullode.

31   Hwan telle ic ge-lic þeosse cneorisse men. ∧ hwam synde hi ^note ge-lice.

32   Hyo synde gelice cylden on strete sittende ∧ sprecende be-tweox heom. ∧ cwæðende. We sungen eow be harpen. ∧ ge ne salteredon. we heofoden ∧ ge ne weopen.

33   Soðlice Iohannes com se fulluhtere hlaf ne etende ne win drinkende. ∧ ge cweðed. deofel-seocnysse he hafð.

34   Mannes sune com etende ∧ drinkende. ∧ ge cweðað þes man ys swelgende ∧ win drinkende. manfulra ∧ senfulre freond.

35   And wisdom &idia;s ge-rihtwised on eallen his bearnen.

36   Þa bæd sum hine of þam sunder-halgen &thaet; he mid hym æte. Þa eode he in-to þas fariseiscen huse ∧ ge-sæt.

37   And þa þæt wif þe wæs on þare ceastre synful þa hy on-cneow þæt he sæt on þas farisees huse. hyo brohte hire sealfe-box.

38   ∧ stod wið-eften his fet. ∧ on-gan mid hire tearen his fet þwean. ∧ dreide mid hire heafdes fexe. ∧ kyste hys fet. ∧ mid sealfe smerede.

39   Ða se sunder-halge þe hine in-laðede þæt ge-seah; he cwæð on his ge-þance. Gif þes man witege wære. witodlice he wiste hwæt ∧ hwilc þæt wif wære þe his æt-rind. þæt hyo synful &idia;s.

40   Ða cwæð se hælend him andsweriende. Simon &idia;ch hæbbe þe to seggene sum þing. Ða "h; he. Lareow sege þanne.

41   Twegen gafel-gyldon wæren sumen lænende; ∧ scolde fif hund panege se an. ∧ se oðer fiftig.

42   Ða hyo næfden mid hwy hyo hit agulden. he hit heom bam for-gef. hwader lufede hine swiðre.

43   Ða andswerede symon ic wene. se þe he mare for-gef. Ða cwæð he rihte þu demdest.

44   Ða be-wende he hine to þam wife. ∧ sægde symone. Ge-syhst þu þis wif; &idia;ch eode in-to þinen huse. ne gefe þu me wæter to minen foten. Þeos mid hire tearen mine fet þweag. ∧ mid hire locken dreide.

45   Cos þu me ne gefe. þeos seððe &idia;ch &idia;nn eode ne ge-swac þæt hyo mine fet ne kyste.

46   Min heafed þu mid ele ne smeredest. þeos smerede mid sealfe mine fet.

47   For þam &idia;ch segge þe; hyre synde manege synne for-gefene. for þan þe hio me swiðe lufede. læsse lufod þam þe læsse for-gyfen &idia;s.

48   Ða cwæð he to hire. ðe synde þine senne for-gefene.

49   Þa be-gunnen þa þe þær sæten be-twux heom cweðen. hwæt is þes þe manne synne for-gyfð.

50   Þa cwæð he to þan wife. þin geleafe þe dyde hal ga nu on sibbe.

Previous section

Next section