West Saxon II [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01220].
To look up a word in a dictionary, select the word with your mouse and press 'd' on your keyboard.
CHAPTER XIX.
1 Ða eode he geond jerico.
2 Ða wæs þær sum man on namen zacheus.
se wæs welig.
3 ∧ he wolde ge-seon hwilc se hælend
wære. þa ne mihte he for þare manige.
for-þan þe he wæs litel on wæstme.
4 Ða arn he be-foren ∧ stah up an treow
sicomorum &thaet; he hine ge-seage. for-þan he
wolde þanen faren.
5 Ða he com to þare stowe þa ge-seah
se hælend hine ∧ "h;. Zacheus efste to
þinen huse. for-þan þe ic wille to-daig on
þinen huse wunien.
6 Ða efstede he ∧ hine bliðelice on-feng.
-- --
7 Þa hyo &thaet; ge-seagen þa murcneden hyo
ealle ∧ cwæðen. þæt he to synful men ge-cyrde.
8 Ða stod zacheus ∧ cwæð to drihton.
Nu ic selle þearfen half mine ehte. ∧ gef
ich anigne be-reafode ic hyt be feower-fealden
agyfe.
9 Ða "h;. se hælend to hym. to-daig
þisse heow-rædene is hæle ge-worðen. for-þam
he wæs abrahames bearn.
10 Mannes sune com secan. ∧ halde &thaet;
for-warð.
11 Þa hyo þis ge-hyrden þa ge-ehte he
sum bispell. for-þam þe he wæs neoh ierusalem.
∧ for-þan þe hyo wenden þæt rædlice
godes rice ge-swuteled wære.
12 noteWitodlice he cwæð. Sum æthel-boren
man ferde on ferren
land. ∧ he him rice on-fenge. ∧ eft on-gean
com.
13 Ða cleopede he hys teon þeowas ∧
sealde teon pund heom. ∧ "h;. to heom.
Cheapiað oððæt ic cume.
14 Ða hatedon hine his leoden. ∧ sænden
arendraken æfter hym. ∧ cwæðen. We
nelleð þæt þes ofer us rixie.
15 Ða he on-gen com ∧ &thaet; rice on-feng;
he het cleopian his þeowas þe he &thaet; feoh
sealde. &thaet; he wiste hu mycel ge æghwilc
ge-mangeden.
16 Ða com se forme ∧ cwæð. Hlaford
þin pund strenede tyen pund.
-- --
17 þa "h;. se hlaford. ge-blissa þu gode
þeowa. for-þan þe þu on litlen wære ge-treowa
þu beost anweald hæbbende ofer
teon cestren.
18 Ða com oðer ∧ "h;. hlaford þin pund
strynde fif pund.
19 Þa "h;. he to þan. ∧ byo þu ofer fif
cestren.
20 Ða com oðer. ∧ "h;. Hlaford her is
þin pund þe ich hæfde on swat-lin aleigd.
21 Ich þe on-dredde for-þan þe þu ert
stið man. þu nymst þæt þu ne settst. ∧
þu ripst þæt þu ne seowe.
22 þa cwæð he to him. of þinen muðe
ich þe deme la leðra þeowa. Ðu wistest &thaet;
ich eom stið man. &thaet; ic nyme &thaet; ich ne sette.
∧ ripe þæt ic ne seow.
23 And hwi ne sealdest þu min feoh to
hyre. ∧ þanne ic come ic hit witodlice mid
ge-streone on-fenge.
24 Ða "h;. he to þam þe him abuten
stoden. anymed þæt pund fram him ∧
sylled þam þe hæfð tin pund.
25 þa cwæðen hyo to him. hlaford he
hæfd teon pund.
26 Soðlice ich segge eow. þæt ælchen
hæbbenden beoð ge-seald. fram þan þe
næfð. ge &thaet; &thaet; he hæfð hym beoð afyrred.
27 Þeah-hwæðere þa mine feond þe
nolden &thaet; ic ofer hyo rixede. ledeð hider ∧
of-slead hyo be-foren me.
-- --
28 ∧ þisen ge-cweðen he ferde to ierusalem.
29 Ða he ge-neahlahte bethphage ∧
bethanie to þam munte þe is
ge-nemned oliuetj. he sænde his twegen
cnihtes
30 ∧ cwæð. Fareð on &thaet; castel þe on-gean
inc ys on ðam gyt meteð assan folen
ge-tegeð; on þam nan man geot ne sæt.
untygeð hine ∧ lædeð to me.
31 ∧ gyf hwa eow axeð hwi gyt hine
untegeð seggeð heom drihten hæfd his
neode.
32 Ða ferden þa þe asende wæren ∧ funden
swa he heom saide þane folen standen.
33 Þa hyo hine unteigden. þa cwæðen
þa hlafordes hwi un-teige ge þanne fole.
34 Ða cwæðen hyo for-þan þe drihten
hæfð his neode.
35 Ða lædden hyo hine to þam hælende.
∧ heora reaf wurpen ofer þanne folan. ∧
þane hælend of-ufen setten.
36 ∧ þa he for; hyo strehten under hine
heore reaf on þam weige.
37 ∧ þa he ge-neahlahte to oliuetes
muntes niðer-stige. þa on-gunnen ealle
þa menigeo ge-blissian ∧ mid mychelere
stefne god heredon be eallen þam mihten
þe hyo sægen.
38 ∧ cwæðen. Ge-bletsod syo se kyng
þe com on drihtenes name. syb sy on
heofene ∧ wuldor on heahnysse.
-- --
39 Ða cwæð sum of þam farisei to him
Lareow kyð þinen leorning-cnihten.
40 þa cwæð he to heom. Ich eow segge
þeah þas swugieð stanes cleopieð.
41 ∧ þa he ge-neahlacte ∧ ge-seah þa
ceastre. þa weop he ofer hyo
42 ∧ cwæð. Eale gyf þu wistest ∧ witedlice
on þisen þinen dagen. þe þe to sibbe
synde. nu hyo synden fran þinen eagen be-hydde.
43 for-þan þa dages to þe cumeð. ∧ þine
feond þe be-trymieð. ∧ be-hæbbeð þe. ∧
be-nærewiað þe aighwanen.
44 ∧ to eorðan afelled þe. ∧ þine bearn
þe on [þe] synde. ∧ hi ne lefeð on þe stan
ofer stane. for-þan þe þu ne on-cneowe þa
tide þinre ge-neosunge.
45 Ða on-gan he of þam temple ut-drifen
þa syllende ∧ þa biggende
46 ∧ heom to cwæð. Hit is awriten. &thaet;
min hus is ge-bed-hus. ge hit worhten to
scæðena scræfen.
47 ∧ he wæs daighwamlice on þam temple
lærende.
Soðlice þare sacerde ealdres ∧ þa bokeres
∧ þas folkes ealder-men. smægdon
hu hi hine for-don mihten.
48 ∧ hyo ne funden hwæt hyo hym to
gylte dyden. Soðlice eal folc wæs abysgod
þæt be hym ge-hyrde seggen.
-- --
West Saxon II [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01220].
|
