1   Þa he ge-nehlahte ierusalem ∧ bethania to oliuete dune. he sende his twegen leorning-cnihtes.

2   ∧ "h;. to heom. Fareð to þam castele þe on-gean inc ys ∧ gyt þær sone ge-meteð assen fole ge-teidne; ofer þane nan man geot ne sæt. unteigeð hine ∧ to me ge-lædeð.

3   And gyf hwa to ginc aht cweð; seggeð &thaet; drihten hæfd his neode. ∧ hyo hine sona hider læt.

4   ∧ þa hyo ut ferden hyo ge-metten þanne fole ut on twi-cinan be-foran dure ge-teigdne. þa unteigden hyo hine.

5   ∧ sume þe þær stoden þus saigden heom. Hwat do gyt þan folen unteygende.

6   þa cwæðen hyo swa se hælend unc bead. ∧ hyo leten hyo þa.

7   Ða lædden hyo þanne folan to þam hælende. ∧ hyo heora reaf on aleigden. ∧ he on sæt.

8   Manega heore reaf on þane weig strehten. sume þa boges of þam trewen heowan. ∧ streoweden on þanne weig.

9   ∧ þa þe be-foren eoden ∧ þa þe æfter folgeden cwæðen þus. osanna; syo ge-bletsed se þe com on drihtenes name.

10   sy bletsed þæt rice þe com ures fæder dauiðes osanna on hehnyssen.

11   ∧ he eode þa on ierosolima temple. ∧ ealle þing he be-sceawede. Ða afen time wæs he ferde to bethania mid his twelf leorning-cnihten.

12   And oþren daige þa hyo ferden fram bethanie him hingrede.

13   Ða he ferren ge-seah an fic-treow þe leaf hæfde. he com ∧ sohte hwæðer he þær on aht funde. þa he him to com; ne funde he þær buton leaf ane. Sodlice hit wæs þas fic-treowes time.

14   Ða cwæð he. heonen forð on ecnysse ne æte anig man wæstme of þe. ∧ his leorning-cnihtes &thaet; ge-hyrden.

15   Ða comen hyo eft to ierusalem ∧ þa he on &thaet; tempel eode. he gan drifen of þam tempel syllende ∧ byggende. ∧ munetera þrocu. ∧ heah-setle. þe þa culfran cheptan he to-bræc.

16   ∧ he ne ge-þafode &thaet; anig man anig fet þurh þa tempel bære

17   ∧ he þa lærende þus cwæð to heom. Nis his awriten &thaet; min hus fram eallen þeoden beoð ge-nemned bed hus. soðlice ge dyden &thaet; to scaþene scerefe.

18   Ða þare sacerde ealdres ∧ þa boceres þis ge-hyrden. hyo þohten hu hyo hine for-spilden. þeah hyo heom on-drædden hine. for þan eall syo manigeo wundrede be his lære.

19   ∧ þa hit æfen wæs he eode of þare ceastre.

20   On morgen þa hyo ferden. hyo ge-seagen &thaet; fic-treow for-scruncen of þam wert-rumen.

21   Ða "h;. petrus. Lareow. loca hu for-scranc &thaet; fic-treo þe þu wergedest.

22   þa cwæð se hælend him andsweriende. hæbbed godes truwan

23   ic segge eow to soðe. swa hwilc swa cwæð to þise munte. syo þu aferred ∧ on sæ aworpen. ∧ on his heorte ne tweoneð ac ge-lyfð swa hwæt swa he cweð ge-wurðe þis. hit ge-wurð.

24   for þan ic eow segge swa hwæt swa ge gyrnende bydðed ge-lyfað &thaet; ge hit on-foð ∧ hit eow be-cymð.

25   And þanne ge standed eow to ge-byddenne. for-gyfeð gyf ge hwæt agen anigene hæbbeð. þæt eow eower senne for-gieue. eower hefenlice fæder se þe on heofene ys.

26   Gyf ge þanne ne for-gyfeð. ne eow eower senne ne for-gyfð ower heofenlice fæder.

27   Þa com he eft to Ierusalem. ∧ þa he on þam temple eode him to ge-neahlacten þa heah-sacerdes. ∧ boceres ∧ ealdres.

28   ∧ þus cwæðen. On hwilcen anwealde dest þu þas þing. ∧ hwa sealde þe þisne anweald &thaet; þu þis do.

29   Þa cwæð se hælend. ∧ ic axie eow anre spræce andsweriað me. ∧ ic segge eow þanne on hwilcen an-wealde ic þis do.

30   Hwæðer wæs iohannes fulluht þe of heofene þe of mannen andsweried me.

31   Ða þohten hyo ∧ cwæðen be-tweoxe heom. gyf we seggeð of heofene. he segð us hwi ne ge-lyfde ge hym.

32   gyf we seggeð of mannen. we on-drædeð þis folc. ealle hyo hafden Iohannem &thaet; he wære soðlice witege.

33   Ða andswereden hyo þam hælende ∧ cwæðen. we nyten. Þa cwæð se hælend ne ic eow ne segge on hwilcen anwealde ic þas þing do.

Previous section

Next section