1    ^noteHer ys godspelles angin hælendes cristes godes sune.

2   swa awritan ys on þas witegen bæch ysaiam. Nu ich asænde minne ængel be-foran þinre ansi&edia;ne. Se ge-gærewed þinne weig be-foren þe.

3   clepiende stefne on þam westene. ge-gærewied drihtnes weig. doð rihte his syðas.

4   Iohannes wæs on wæstene fulgende ∧ bodiende. deadbote fulluht on senne for-gyfenysse.

5   ∧ to hym ferde eal iud&edia;&edia;isce rice. ∧ ealle ierosolima-ware. ∧ wæren fram him ge-fullode on Iordanes flode. heore synna andettenne.

6   And Iohannes wæs ge-scryd mid olfendes hære. ∧ fellen gyrdel wæs embe his lendene. ∧ garstapen ∧ wude hunig he æt.

7   ∧ he bodede ∧ cwæð. strengre kymð æfter me. Þas ne æm ich wurðe &thaet; ic his scone þwange bugende un-cnette.

8   Ich fullige eow on wætere. he eow fulleð on halgen gaste.

9    ^noteOn þam dagen com se hælend fram nazareth galil&edia;&edia;. ∧ wæs ge-fullod on Iordane fram Iohanne.

10   ∧ sone of þam wætere. he ge-seah opene heofenes ∧ haligne gast swa culfran astigende. ∧ on hym wunede.

11   ∧ þa wæs stefen of heofene þus cweðende þu ert min ge-lufede sune. on ðe ic ge-licode.

12   And sone gast hine on westen ge-nedde.

13   ∧ he on westene wæs feortig dagen. ∧ feortig nihte. ∧ he wæs fram sathanas ge-costned. ∧ he mid wilde deoren wæs. ∧ hym ængles þeneden.

14    ^noteSydðe iohannes ge-seald wæs com se hælend on galileam godes rices. godspell bodiende

15   ∧ þus cweðende. Witodlice tyd is ge-fylled. ∧ heofene rice ge-neohlæcð. doð dead-bote ∧ ge-lefeð þam godspelle.

16   ∧ þa he ferde wið þa galileiscæ sæ. He ge-seah symonem ∧ andream his broðer heore nytt on þare sæ lætende. soðlice hyo wæren fissceras.

17   ∧ þa cwæð se hælend cumeð æfter me. ∧ ic do gunc þæt gyt beoð sawla on-fonde.

18   ∧ hyo þa rædlice hym felgdon ∧ for-leten heore nytt.

19   ∧ þanen hwon ag&adia;n. he ge-seah iacobum zebedei ∧ iohannes his broðer. ∧ hyo on heore scype hyre nyt logeden.

20   ∧ he hyo sona clepede ∧ hyo heora fader zebedeo on scype for-leten mid hyrlingen.

21    ^note∧ ferden to capharnaum. ∧ sone reste-dagen he lærde hyo on ge-samnunge ingangende.

22   ∧ hyo wundreden be his lare. Soðlice he wæs hyo lærende swa se þe anweald hæfð. næs swa bokeres.

23   ∧ on heore samnunge wæs sum mann unclænen gaste. ∧ he rymde

24   ∧ cwæð. eala nazarenisca hælend hwæt is us ∧ þe. come þu us for-spillan. Ich wat þu ert godes halge.

25   Þa kydde se hælend hym ∧ cwæð. adumbe ∧ ga of þisen menn.

26   ∧ se unclæne gast hine slytende ∧ mycelere stefne cleopiende him of-eode.

27   Ða wundreden hyo ealle. swa &thaet; hyo be-twexeo heom cwæðen. hwæt is þis. hwæt is þeos niewe lar. &thaet; he on anwealde unclænen gasten be-beott. ∧ hyo hersumieð hym.

28   ∧ sona ferde his hlysa to galilea-riche.

29    ^noteAnd rædlice of hyora samnunge he comen on symonis ∧ andreas hus mid iacobe ∧ iohanne.

30   Soðlice þa sæt symones swerger hresigende. ∧ hyo hym be hyre sægden.

31   ∧ ge-neahlacende he hyo up &adia;hof hire handa ge-gripenre. ∧ hrædlice se feofer hi for-let. ∧ hyo þenode him.

32   Soðlice þa hit wæs æfen ge-worðen þa sunne to settle eode. hy brohten to hym ealle þa un-hælen. ∧ þa þe wode wæren

33   ∧ eall syo burhware wæs ge-gadered to þare dure

34   ∧ he manega ge-hælde; þe mistlicen adle ge-drehte wæren. ∧ manege deofol-seocnysse he ut a-draf. ∧ hyo sprecen ne leten for þan þe hyo wisten þæt he crist wæs.

35   And swiðe ær sunne arisende he ferde on weste stowe. ∧ hine þær ge-bæd.

36   ∧ hym fylgede symon ∧ þa þe mid hym wæren.

37   ∧ þa þe hine ge-metten hyo saigden hym. eall þis folc þe secd.

38   Þa cwæð he fare we on gehende tunas ∧ ceastres &thaet; ic þær bodige. Witodlice to þam ic com.

39   ∧ he wæs bodiende on heore samnenge ∧ ealre galileas. ∧ deofel-seocnyssa ut-adrifende.

40    ^noteEnd to hym com sum reofela hine biddende ∧ beigden cneowen hym to cwæð. Drihten gyf þu wilt þu miht ge-clænsien me.

41   Soðlice se hælend hine ge-miltsede ∧ his hand &adia;-þenode ∧ hine æt-hrinede ∧ þus cwæð. Ic wille. byo þu ge-clænsed.

42   ∧ þa he þus cwæð; sona syo reoflyss him fram ge-wat. ∧ he wæs ge-clænsed.

43   ∧ sone he bæd hym

44   ∧ cwæð. warne þæt þu hit nanen menn ne segge. ∧ ga ∧ atewe þe þare sacerda ealdre. ∧ bring for þinre clænsunge &thaet; moyses be-bead on ge-witnysse.

45   ∧ he þa ut-gangende on-gan bodien ∧ wið-mærsian þa spræce. swa &thaet; he ne mihte openlice on þa ceastre gan. ac bye ute on westen stowen. ∧ hyo aighwanen to hym comen.

Previous section

Next section