1   Witodlice þa hyt morgen wæs ða worhton ealle þæra sacerda ealdras gemot. ∧ þæs folces ealdras ongen þone hælend &thaet; hig hyne deaþe be-læwdon.

2   ∧ hig læddon hyne gebundenne ∧ sealdon hyne þam pontiscean pilate þam deman;

3   Ða geseah iudas þe hyne belæwde. &thaet; he fordemed wæs. þa ongann he hreowsian. ∧ brohte þa þrittig scyllingas to þæra sacerda ealdrum. ∧ cwæð;

4   Ic syngode þa ic sealde &thaet; rihtwise blod; Ða cwædon hig hwæt spycst þu &thaet; to us;

5   ∧ he awearp þa scyllingas inon &thaet; templ. ∧ ferde ∧ mid gryne hyne sylfne aheng;

6   Ða soðlice þæra sacerda ealdras onfengon þæs seolfres ∧ cwædon; Nys hyt na alyfed &thaet; we asendon hyt on ure maðmcyste. forþam hyt is blodes wurð;

7   Hig worhton þa gem&odia;t ∧ smeadon hu hig sceoldon þæs hælendes wurð ateon. þa gebohton hig ænne æcyr mid þam feo tigyl-wyrhtena. on to be-byrgenne elþeodisce menn.

8   for-þam is se æcer ge-haten acheldemagh. &thaet; is on &udia;re geþeode blodes æcyr. ∧ swa he is gehaten oð þisne dæg;

9   Ða wæs ge-fylled &thaet; gecweden is þurh hieremiam þone witegan þus cweþende; ∧ þa hig onfengon þrittig scyllinga þæs gebohtan wurð. þone ðe wæs ædia;r gewurþod fram israhela bearnum;

10   ∧ hig sealdon &thaet; on tigelwyrhtena æcyr swa swa drihten me gesette;

11   Þa stod se hælend beforan þam deman. ∧ se d&edia;ma hyne axode þus cweðende; Eart ðu iudea cyning þa cwæð se hælend &thaet; ðu segst;

12   ∧ mid þy ðe hyne wregdon þæra sacerda ealdras ∧ þa hlafordas. nan þing he ne ∧swarode;

13   Ða cwæð pilatus to him. ne ge-hyrst þu hu fela sagena hig ongen þe secgeað.

14   ∧ he ne ∧werde mid nanum worde swa &thaet; se dema wundrode swiþlice;

15   Hig hæfdon heom to ge-wunan to heora symbel-dæge &thaet; se dema sceolde for-gyfan þam folce ænne for-wyrhtne mann swylcne hig habban woldon;

16   He hæfde þa soðlice ænne strangne þeof-mann. gehæftne. se wæs genemned barrabbas;

17   Þa &thaet; folc gesamnod wæs þa cwæð pilatus; Hwæþer wylle ge &thaet; ic eow agyfe þe barrabban ðe þone hælynd. ðe is crist gehaten;

18   H&edia; wiste soðlice &thaet; hig hyne for &adia;ndan him sealdon;

19   He sæt þa pilatus on his dom-setle. þa sende his wif to hym ∧ cwæð. ne beo þe nan þing gemæne ongen þisne rihtwisan; Soðlice fela ic hæbbe geþolod todæg þurh gesyhðe for hym;

20   Ða lærdon þæra sacerda ealdras ∧ þa hlafordas &thaet; folc &thaet; hig bædon barrabban ∧ þone hælyn (sic) fordydon;

21   Ða ∧wyrde se dema ∧ sæde heom; Hwæþerne wylle ge &thaet; ic forgyfe eow of þisum twam; Ða cwædon hig. barrabban;

22   Þa cwæð pilatus to heom; Witodlice hwæt do ic be þam hælende. þe is crist genemned; Ða cwædon hig ealle. sy he on rode ahangen;

23   Ða cwæð se d&edia;ma to heom. witodlice hwæt yfeles dyde þes; Hi ða swiþor clypodon þus cweðende; Sy he ahangen;

24   Ða geseah pilatus &thaet; hyt naht ne fremode ac gewurde mare gehlyd. þa genam he wæter ∧ þwoh hys handa be-foran þam folce ∧ cwæð. un-scyldig ic eom fram þyses rihtwisan blode ge ge-seoð;

25   Ða ∧swarode eall &thaet; folc ∧ cwæð; Sy hys blod ofer us ∧ ofer ure bearn;

26   Ða for-geaf he hym barrabban; ∧ þone hælynd he l&edia;t swingan ∧ sealde heom to a-honne;

27   Þa under-fengon þæs deman cempan þone hælynd on ðam domerne ∧ ge-gaderodon ealne þone ðreat to heom

28   ∧ unscryddon hyne hys agenum reafe. ∧ scryddon hyne mid weolcen-readum scyccelse;

29   ∧ wundon cyne-helm. of þornum ∧ asetton ofer hys heafod. ∧ hreod on hys swiðran. ∧ bigdon heora cneow beforan him. ∧ bysmorudun hyne þuss cweþende;

30   Hal wes þu iudea cyning. ∧ spætton on hyne. ∧ namon hreod ∧ beotun hys heafod;

31   ∧ æfter þam þe hig hyne þus bysmerodon hig unscryddon hyne þam scyccelse. ∧ scryddon hyne mid hys agenum reafe. ∧ læddon hyne to ahonne;

32   Soþlice ða hig &udia;t-ferdon. þa gemetton hig ænne cyreniscne mann cumende heom togenes þæs nama wæs symon; þone hig nyddon &thaet; he bære hys rode;

33   Ða comon hig on þa stowe þe ys genemned golgotha. &thaet; is heafod-pannan stow.

34   ∧ hig sealdon hym w&idia;n drincan wið eallan (sic) gemenged. ∧ þa he hys onbyrigde þa nolde he hyt drincan;

35   Soþlice æfter þam þe hig hyne on rode ahengon hig to-dældon hys reaf. ∧ wurpon hlot þær-ofer &thaet; wære gefylled &thaet; ðe gecweden wæs þurh ðone witegan ∧ þus cwæð; Hig to-dældon heom mine reaf. ∧ ofer mine reaf hig wurpon hlot;

36   ∧ hig beheoldon hyne sittende.

37   ∧ hig asetton ofer hys heafod hys gylt þuss awritenne; Ðis ys se hælynd iudea cyning;

38   Ða wæron a-hangen mid hym twegen sceaþan &adia;n on þa swiðran healfe ∧ oðer on þa wynstran;

39   Witodlice þa weg-ferendan hyne bysmeredon ∧ cwehton heora heafod

40   ∧ cwædon. wa &thaet; ðes towyrpð godes templ. ∧ on þrim dagum hyt eft getimbrað; Ge-hæl nu þe sylfne. gyf þu sy godes sunu. g&adia; nyþer of þære rode;

41   Eac þæra sacerda ealdras hyne bysmeredon mid þam bocerum ∧ mid þam ealdrum ∧ cwædun;

42   Oþere he ge-hælde. ∧ hyne sylfne gehælan ne mæg; Gyf he israhela cyning sy g&adia; n&udia; nyþer of þære rode ∧ we gelyfað hym;

43   He gelyfð on god. alyse he hyne n&udia; gyf he wylle; Witodlice he sæde godes sunu ic eom;

44   Ge-lice þa sceaðan þe mid him ahangene wæron; Hyne hyspdun;

45   Witodlice fram þære sixtan tide wæron gewurden þystru ofer ealle eorðan oþ þa nigoþan tid;

46   ∧ ymbe þa nygoðan tid clypode se hælend mycelre stefne ∧ þuss cwæð; Heli heli lema zabdani. &thaet; ys on englisc min god min god to hwi forlete þu me;

47   Soþlice sume þa ðe þær stodon ∧ þis gehyrdon cwædon; Nu he clypað hel&idia;am;

48   Ða hrædlice arn &adia;n heora ∧ genam &adia;ne spongean ∧ fylde hig mid ecede ∧ asette &adia;n hreod þær-on ∧ sealde hym drincan;

49   Witodlice þa oðre cwædon læt. utun geseon hwæþer helias cume ∧ wylle hyne alysan;

50   Þa clypode se hælynd eft mycelre stefne ∧ asende hys gast;

51   ∧ þær-rihte ðæs temples wah-ryft wearð tosliten on tewgen (sic) dælas. fram ufeweardon oð nyþe-weard; ∧ seo eorðe bifode ∧ stanas toburston;

52   ∧ byrgena wurdun geopenode. ∧ manige halige lichaman ðe ædia;r slepon aryson;

53   ∧ þa hig &udia;t-eodon of þam byrgenum æfter hys æryste hig comun on þa haligan ceastre. ∧ æt-eowdon hig manegum;

54   Witodlice þæs hundredes ealdor ∧ ða þe mid him wæron healdende þone hælynd. þa hig gesawon þa eorð-bifunge. ∧ þa ðing ðe þær gewurdon. hig on-dredon heom ðearle. ∧ cwædon; Soðlice godes sunu wæs þes;

55   Witodlice þær wæron manega wif feorran þa ðe fyligdon þam hælende fram galilea him ðenigende;

56   Be-twuh þam wæs seo magdalenisce maria ∧ maria iacobes moder ∧ iosephes modur ∧ zebedeis sunena modor;

57   Soðlice þa hyt æfen wæs c&odia;m sum weli mann of arimathia þæs nama wæs iosep. se sylfa wæs þæs hælyndes leorning-cniht.

58   he genealæhte to pilate ∧ bæd þæs hælyndes lichaman; Ða het pilatus agyfan him þone lichaman.

59   ∧ iosep genam þone lichaman. ∧ bewand hyne mid clænre scytan

60   ∧ lede hyne on hys niwan byrgene. ða he aheow on stane. ∧ he to-awylte mycelne stan to hlide þære byrgene. ∧ ferde syþþan;

61   Ðær wæs soðlice seo magdalenisce maria ∧ seo oðer maria sittende æt þære byrgene;

62   Witodlice oðrum dæge þe wæs gearcung-dæg comon togædere þæra sacerda ealdras. ∧ þa sundor-halgan to pilate.

63   ∧ cwædon; Hlaford w&edia; gemunon &thaet; se swica sæde þa he on life wæs. æfter þrym dagon ic arise.

64   hat nu healdan þa byrgene oð þone þryddan dæg. þe-læs hys leorning-cnihtas cumon. ∧ for-stelon hyne. ∧ secgeon þam folce &thaet; he aryse of deaþe; Þonne byð &thaet; æftre gedwyld wyrse þonne &thaet; ærre;

65   Ða cwæð pilatus ge habbað heord-rædenne farað ∧ healdað swa swa ge witon;

66   Soþlice hig ferdon ∧ ymbe-trymedon þa byrgene ∧ inn-seglodon þone stan mid þam weardum;

Previous section

Next section