1   Þa spræc se hælynd to þam folce ∧ to hys leorningcnyhton

2   ∧ "h;. boceras ∧ pharisei sætun ofer moyses lareow-setl.

3   healdað ∧ wyrceað swa hwæt swa hig secgeaþ. ∧ ne do ge na æfter heora worcum; Hig secgeað ∧ ne doð;

4   Hig bindað hefige byrþyna þe man aberan ne mæg ∧ lecgeað þa uppan manna exla. ∧ nellað h&idia;g þ&adia; mid heora fingre æthrinan;

5   Ealle heora worc hig doð &thaet; menn hi geseon; Hig to-brædað hyra heals-bæc ∧ mærsiað heora reafa fnadu;

6   Hig lufigeað þa fyrmystan setl on gebeorscypum. ∧ þa fyrmystan lareow-setl on gesomnungum.

7   ∧ &thaet; hig man grete on strætum ∧ &thaet; menn hig lareowas nemnon;

8   Ne gyrne ge &thaet; eow man lareowas nemne. &adia;n ys eower lareow; Ge synt ealle gebroþru.

9   ∧ ne nemne g&edia; eow fædyr ofer eorþan. &adia;n ys eower fædyr seþe on heofonum ys;

10   Ne eow man ne nemne lareowas for þam &adia;n crist is eower lareow;

11   Seþe eower yltst sy beo s&edia; eower þ&edia;n;

12   Witodlice seþe hyne upp-ahefð. se byþ genyþerud; ∧ seþe hyne sylfne ge-eaðmet. se byð &udia;pp-ahafyn.

13    ^note Wa eow bocyras ∧ pharisei licceteras forþam ge belucað heofona rice. beforan mannum; Ne g&edia; in ne gaþ ne ge ne geþafiað &thaet; oðre ingan;

15   W&adia; eow bocyras ∧ pharisei liccetteras forþam. ge be-farað sædia; ∧ eorþan. &thaet; ge don anne elþeodine. ∧ þonne h&edia; gewordyn byð g&edia; gedoð hyne helle bearn. twyfealdlicor þonne eow;

16   Wa eow blindan latteowas. ge secgeað swa hwylc swa swereþ on temple &thaet; he ys naht. Swa hwa swa swereð on þæs temples golde se ys scyldig.

17   Eala ge dysegan ∧ blindan. hwæþer ys mare ðe &thaet; gold. þe &thaet; templ ðe &thaet; gold ge-halgað;

18   ∧ swa hwa swa swereð on þam weofode. &thaet; ys naht. Swa hwylc swa swereþ on þære offrunge. þe ofer &thaet; weofud ys se ys gyltig;

19   Eala ge blindan. hwæþer ys mare þe offrung þe &thaet; weofud þe ge-halgað þa offrunge;

20   Witodlice seþe swereþ on weofude. he swereð on him ∧ on eallum þam þe him ofer synt

21   ∧ seþe swereð on temple. he swereð on him ∧ on þam þe him on eardiað;

22   ∧ seðe swerað on heofonan. he sweryð on godes þrym-setle ∧ on þam þe ofer &thaet; sitt;

23   Wa eow boceras ∧ Pharisei liccetteras. ge þe teoðiað mintan ∧ dile ∧ cvmyn ^note ∧ ge forleton þa þing þe synt hefegran. þære ædia; dom. ∧ mildheortnysse. ∧ geleafan. þas þing hyt gebyrede &thaet; ge dydon ∧ þa oðre ne forletun.

24   la blindan latteowas. ge drehnigeað þone gnætt aweg ∧ drincað þone olfynd;

25   Wa eow boceras ∧ pharisei liccetteras. forþam ge clænsiað &thaet; wið-&udia;tan ys caliceas ∧ dixas. ∧ ge synt innan fulle. reaflaces ∧ unclænnysse;

26   Eala þu blinda phariseus. clænsa æryst &thaet; wið-innan ys calicys ∧ discys &thaet; hyt si clæne &thaet; wið-utan ys;

27   Wa eow bocyras ∧ pharisei liccetteras. forþam ge synt gelice hwitum byrgenum þa þinceað mannum &udia;tan wlitige ∧ hig synt innan fulle deadra bana. ∧ ealre fylþe;

28   ∧ swa ge ætywað mannum utan rihtwise. innan ge synt fulle liccettunge ∧ unrihtwisnesse;

29   Wa eow bocyras ∧ pharisei. liccetteras. ge þe timbriað witegena byrgene ∧ glengað rihtwisra gemynd-stowa.

30   ∧ ge cweþað gyf we wærun on ure fædera dagum. nære we heora geferan on þæra witegena blodes gyte;

31   Witodlice ge synt eow sylfum to ge-wittnysse. &thaet; ge synt þæra bearn. ðe ofslogon þa witegan.

32   ∧ gefylle g&edia; &thaet; gemet eowra fædera;

33   Eala ge næddran ∧ næddrena cynn. hu fleo g&edia; fram helle dome;

34    ^note Ic sende to eow witegan ∧ wise bocyras. ∧ ge hig ofsleað ∧ hoð ∧ swingað on eowrum gesomnungum. ∧ ge hig ehtað of byrig on byrig

35   &thaet; ofer eow cume ælc riht-wis blod þe wæs agoten ofer eorþan. fram abelys blode þæs rihtwisan. oð zacharias blod barachias suna. þone g&edia; ofslogon betwyx þam temple ∧ þam weofode;

36   Soþ ic eow secge ealle þas þing cumaþ ofer þas cneorisse;

37   Eala ierusalem eala gerusalem þu þe witegan of-slihst ∧ mid stanum oftorfast þa ðe to þe asende synt; Swiðe oft ic wolde þine bearn gegaderigan swa seo henn hyre cicenu under hyre fyþeru gegaderað. ∧ þu noldest;

38   Witodlice nu byþ eower hus eow weste forlæten;

39   Soð ic secge eow. ne geseoþ ge me heonon-forð. ær þam þe ge secgeon sy gebletsod seþe com on drihtnes naman;

Previous section

Next section