West Saxon I [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01210].
To look up a word in a dictionary, select the word with your mouse and press 'd' on your keyboard.
CHAPTER XVII.
1 ∧ æfter six dagum n&adia;m se hælend
petrum ∧ iacobum ∧ iohannem. hys broþor
∧ lædde hig onsundron on ænne heahne
munt
2 ∧ he wæs ge-hiwod beforan him; ∧ his
ansyn scean swa swa sunne ∧ hys reaf
wædia;ron swa hw&idia;te swa snaw;
3 ∧ efne þa ætywde moyses ∧ helias mid
him sprecende.
4 þa cwæð petrus to him; Drihten god
ys &udia;s her to beonne gyf þu wylt uton
wyrcean her þreo eardung-st&odia;wa þ&edia; ane.
moyse ane ∧ hel&idia;e ane;
-- --
5 Him þa gyt sprecendum ∧ soþlice þa
beorht-wolcn hig ofer-scean. ∧ þa efne com
stefn of þam wolcne ∧ cwæþ; Her ys min
leofa sunu. on þam me wel gelicaþ. gehyrað
hyne;
6 ∧ þa hig þis gehyrdon hys leorning-cnihtas
hig feollon on hyra ansyne. ∧ hym
swyþe adredon;
7 H&edia; genealæhte þa ∧ hig æt-hr&adia;n. ∧
him to cwæþ; Ar&idia;sað ∧ ne ondrædaþ eow;
8 Ða hig hyra eagan upp-hofon. ne gesawon
hig nænne buton þone hælend
sylfne;
9 ∧ þa hig of ðam munte eodon se hælend
hym bebead ∧ þus cwæþ nanum menn
ne secgean ge þis. ær mannes sunu of deaþe
arise;
10 note ∧ þa axodon hys leorning-cnihtas
hyne. hwæt secgeað þa boceras. &thaet; gebyrige
ærest cuman heliam;
11 Ða ∧swarode he hym. witodlice helias
ys to-weard ∧ he ge-edniwað ealle þing;
12 Soþlice ic eow secge &thaet; helias c&odia;m
∧ hig hyne ne ge-cneowon; Ac hig dydon
ymbe hyne swa hwæt swa hig woldon.
∧ swa ys mannes sunu. eac fram him to
þrowigenne;
13 Ða ong&edia;ton hys leorning-cnihtas &thaet; he
hyt sæde be iohanne. þam fulluhtere;
14 note And þa he c&odia;m to þære menegu.
him to genealæhte sum mann
gebigedum cneowum toforan him ∧ cwæþ;
-- --
15 Drihten gemiltsa minum suna for
þam þe he ys fylle-seoc. ∧ yfel þolað. oft
he fylþ on fyr. ∧ gelomlice on wæter.
16 ∧ ic brohte hyne to þinum leorning-cnihtum.
∧ hig ne mihton hyne gehælan;
17 Ða ∧swarode he him; Eala ge &udia;ngeleaffulle
∧ þwyre cneores hu lange beo ic
mid eow. hu lange for-bere ic eow. bringaþ
hyne to me hider
18 ∧ þa þreade se hælend hyne. ∧ se
deofol hyne forl&edia;t. ∧ se cnapa wæs of þære
tide gehæled;
19 Ða genealæhton hys leorning-cnihtas
him to. ∧ him t&odia; cwædon diglice; Hw&idia; ne
mihte we hyne &udia;t-adrifan;
20 Þa cwæð he for hyra ungeleafulnesse;
Soþlice on eornost ic eow secge gyf ge
hæfdon geleafan swa senepes corn. ∧ ge
cwædon to þissum munte far heonone.
þonne ferde he ∧ eow ne byð ænig þing
&udia;nmihtelic;
21 Soþlice þis cynn ne byþ &udia;t-adryfen.
buton þurh gebed and fæsten;
22 Ða hig wunedon on galilea þa
cwæð se hælend. mannes sunu
ys to syllenne on manna handa.
23 ∧ hig ofsleað hyne. ∧ he arist on þam
þriddan dæge; Ða wurdon hig þearle ge-unrotsode;
24 And þa he c&odia;m t&odia; cafarnaum. þa ge-nealæton
to petre. þa &thaet; gafol namon ∧ þus
cwædon; Eower lareow ne gylt he gafol.
-- --
25 þa cwæð he gyse he deð. ∧ þa he
com into þam huse. þa cwæð se hælend;
Hwæt þincð þe symon. æt hwam nimað
cyningas gafol oððe toll. of hyra bearnum.
hwæðer ðe of fremedum;
26 Ða cwæþ he of fremedum; Þa cwæð
he eornostlice þa bearn synt frige.
27 þeah-hwæþere &thaet; we hi ne ge-unrotsigeon
gang to þære sædia;. ∧ wurp þinne angel
ut ∧ nim þone ærestan fisc ∧ hys muþ ge-opena
þu fintst ænne wecg on him. nim
þone ∧ syle for me ∧ for þe;
West Saxon I [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01210].
|
