1    ^note Ða comon to him fram hierusalem þa boceras ∧ fariseisce ∧ cwædon.

2   hwi forgymað þine leorning-cnihtas. ure yldrena lage ne þweað hi hyra handa þonne h&idia;g mete þicgeað;

3   Ða andsworode he him ∧ hwi forgyme g&edia; godes bebod for eowre lage.

4   witodlice god cwæþ wurþa þinne fæder ∧ modor ∧ se þe wyrgð hys fæder ∧ modor swelte se deaþe;

5   Soþlice ge cweðaþ swa hwylc swa segð hys fæder ∧ meder swa hwylc lac swa of me is fremaþ þe

6   ∧ ne wurðiaþ fæder ∧ modor ∧ ge for naht dydon godes bebod for eowre lage.

7   la licceteras wel be eow witegode isaias se witega þa he cwæð

8   þis folc m&edia; mid welerum wurþað ∧ hyra heorte ys feorr fram me

9   butan intingan hig me wurþiaþ ∧ lærað manna lara;

10   ∧ he þa ðam menegum to-gædere geclypedum. þus cwæð gehyrað ∧ ongytaþ

11   ne besm&idia;t þone mann &thaet; on hys muþ gæð. ac hyne besm&idia;t &thaet; of hys muþe gæþ;

12   Þa genealæhton hys leorning-cnihtas ∧ cwædon. wast þu &thaet; þa fariseiscean synt gedrefede þisum wurde gehyredum.

13   þa andswarode he him. ælc plantung þe m&idia;n heofenlica fæder ne plantode byþ &adia;wurt-walod;

14   Lætað hi hig synt blinde. ∧ blindra latteowas; Se blinda gyf he blindne læt hig feallað begen on ænne pytt;

15   Ða andswarode him petrus. arece us þis big-spell;

16   Ða andswarode he him. ∧ synt ge gyt butan ∧gyte.

17   ne ongyte ge &thaet; eall þ on þone muþ gæþ. gæþ on þa wambe ∧ byþ on forþgang asend;

18   Soþlice þa þing þe of þam muðe gaþ cumað of þære heortan ∧ þa smitaþ þone mann;

19   Of þære heortan cumaþ yfle geþancas. mann-slyhtas. &udia;nriht-hæmedu.forligru.stale. lease gewitnyssa. t&adia;llice word

20   þis synt þa ðing þe þone mann be-smitað; Ne be-smit þone mann þeah he &udia;nþwogenum handum ete.

21    ^note ∧ þa ferde se hælend þanon on tyrisce ∧ syd&odia;nisce endas

22   ∧ efne þa of þam chanan&edia;iscum gemærum clypode sum w&idia;f ∧ cwæð; Drihten dauides sunu gemiltsa me. min dohtor ys yfle mid deofle gedreht.

23   þa ne ge-andswarode he hyre þa genealæhton hys leorning-cnihtas ∧ him to cwæedon; Forlæt hig forþam heo clypað æfter us;

24   Ða ∧swarode h&edia; ne eom ic asend. buton to þam sceapum. þe forwurdon of israhela huse;

25   Ða com heo ∧ hig to him gebæd ∧ þus cwæð drihten gefylst me;

26   Ða "h; he nys hit na g&odia;d &thaet; man nime bearna hlaf ∧ hundum worpe.

27   þa cwæþ heo. drihten &thaet; ys soð; Witodlice þa hwelpas etað of þam crumum þe of hyra hlaforda beodum feallaþ.

28   þa ∧swarode drihten hyre eala þ&udia; w&idia;f mycel ys þin geleafa ge-wurþe þ&edia; eal swa þu wylle. ∧ þa of þære t&idia;de wæs hyre dohtor hal ge-worden;

29   Ða se hælend þanon ferde eft he com wiþ ða galileiscean sædia; ∧ astah on þone munt ∧ þær sæt

30   þa genealæhton him t&odia; mycele menegu mid him hæbbende manega healte ∧ blinde ∧ wanhale ∧ manega oþre ∧ aledon to hys fotum ∧ he ge-hælde þa

31   swa &thaet; þa mænegu wundredon geseonde. dumbe specende healte gangende blinde geseonde ∧ hig mærsodon israhela god;

32    ^note Þa cwæþ se hælend togædere geclypedum his leorning-cnihtum; Ðisse menegu ic ge-miltsige forþam hig þry dagas mid me wunodon. ∧ hig nabbað hwæt hig eton. ∧ ic hig nelle fæstende forlætan þe-læs hig on wege geteorian;

33   Ða cwædon hys leorning-cnihtas hwar nime w&edia; swa fela hlafa on þis w&edia;stene &thaet; w&edia; ge-fyllan swa mycele mænegu

34   þa cwæð he. hu fela hlafa hæbbe g&edia;. þa cwædon hig seofon ∧ feawa fixa.

35   ∧ he bebead þa &thaet; seo menegu sæte ofer þære eorþan

36   ∧ he nam þa þa seofon hlafas ∧ þa fixas ∧ bræc ∧ sealde hys leorning-cnihtum ∧ hig sealdon þam folce

37   ∧ hig æton ealle ∧ wæron gefyllede ∧ &thaet; to l&adia;fe wæs of þam gebrote hig namon seofon wilian fulle;

38   Witodlice þa þær æton wæron feower þusend manna butan cildum ∧ wifum.

39   ∧ he forlet þa þa menegu ∧ eode on scyp ∧ com on þa endas magedon

Previous section

Next section